Khoya khoya tu kahan rehta hai.

Khoya khoya tu kahan rehta hai.
Suna hai udasi ka sama rehta hai.

Bhool bhi jao usko magar,
Yad uska andaz-e-bayan rehta hai.

Woh jo mujhe kabhi tanha nahi karta,
Dil mein aik esa mehman rehta hai.

Loot aae ga woh aik din,
Kyun dil ko yeh guman rehta hai.

Woh kia jane shab-e-hijran ke,
Pass unke pura jahan rehta hai.

Raz-e-dil tera naam hai magar,
Raz tere dil ka sab per ayan rehta hai